以前常常聽別人說, 有的人過世前會有預感。

(閱讀全文)

過了好幾天,  都未決定寫不寫下去, 因為實在不想"數"護理人員的不是, 直到星期天看到明報這篇報導:

醫院僵化 累病人3日暴瘦1/4

其中最令本人感嘆的部份是:

到醫院欲見金城，被拒病房門外，也沒人處理她的投訴，有醫護人員更告訴她「制度如此，我也沒辦法」。 (來源: 明報 2009-11-1)

(閱讀全文)

醫護、法律、警匪, 是我追劇的三大主要項目。看多了ER, Grey's Anatomy, Private Practice, 讓你以為現實中的醫護也如此, 那你真的not only simple, but also naive --- all the time! 白一點應該說"白痴"! 當然, 如閣下是何賭王老先生, 那種Grey's Anatomy式(病人由醫護圍繞)的情況是會有的, 否則平凡人等如本人等就如"寡婦死兒子 --- 沒指望"了。

本人不屬特權階級, 又不和親貴沾親帶故, 若本人要使用本地的公共醫療系統, 是不該對我們親愛的醫管局屬下的設施有丁點兒期望的。

(閱讀全文)

外婆不喜歡我, 據說是因為我小時候咒死了她的雞。從小到大我也確實有過不少鐵口的案例, 最新的例子是上個月今天那篇文章裡我寫道: "媽媽的餸成為絕唱"。

(閱讀全文)

重陽節- 是為追念先人而設的嗎?

(閱讀全文)

諗起中秋節食品, 突然有少少懷念有一年家姐整的芋頭湯, 呢個應該係姐夫家的傳統食品。做咗多年師奶的家姐, 煮啲餸好掂。

近年屋企做節無論大小,  都係出街食多。自從老豆退休後, 10幾年來都係佢煮, 到依家"媽媽的餸"成為絕唱矣。就算阿媽出院, 已冇可能煮到。希望8月15可以同佢食餐飯, 呢啲飯真係食一次少一次啦。

今年中秋都未知點做節, 家姐一家人去旅行, 得老豆阿媽+阿哥一家+我一家(1人), 共7個人。如果阿媽冇得放假, 鐵定老豆唔會同我哋食。佢老人家好有性格架, 搞唔掂!

有時聽到"一家人齊齊整整食餐飯"呢句嘢, 都唔知應該點反應。

你哋做咗節食咗飯未?

張嘢係努力咗1年零9個月的成果。21個月, 話辛苦又唔算十二分辛苦, 話唔辛苦又係幾架, 壓力好大, 最大原因係要同人交待, 同老板交待囉。有啲科花好多好多effort, 但成績就只係低飛通過, 唉! 後感? --- 得之我幸, 不得我命!

呢8個字係我做人最新的"指導思想"。乜都係, 家人、事業、感情。

個course除咗award我一張cert, 仲係最低潮時期的見證。但 --- 渡過了。

時代女性的最好投資

好句:

愛情和事業好像人生的雙翼，不管哪個翅膀先振動，只要能帶你上藍天飛翔，都是好的。而作為一個時代女性，我只想補充，不要折斷其中任何一支翅膀，才能人生起飛，自由翱翔。

(來源: 同上)

因為間唔中會搭44A, 所以意見被納入今日的新聞(詳情)。

小巴裝黑盒, 聽過一輪啦, 尤其是年初個單嚴重意外時, 都熱議過一輪, 之後都係冇影, 香港就係咁架啦!

新聞裡記者只係引用部份我的意見:

「每次出事都大把建議，但過後往往不了了之」

其中乘客陳小姐直言：「其實要做（加裝黑盒）冇可能做唔到，但近年唔覺有任何跟進，所以唔會靠政府，惟有自求多福，坐小巴時自己警覺啲，避免坐車頭或車尾位置。」(來源: 東方日報)

(閱讀全文)

上次的流行語"超低能, 勁搞笑"之前半部份我仲用緊架。

香港每日實在太...太...太多超低能之事發生, 世上原來有咁多超低能的人, 真係唔講唔得。

是日人版, 個吸毒女當之無愧。30幾勾, 同啲teenage去深圳吸毒, 被人扣完, 好心遮下塊面死返香港啦, 仲要聲大夾惡, 玩投訴, 痴線! 真係"超.......低能"!

Teenage都可以話腦笋未生埋, 呢個係低能婆。佢可能真係有日吸到死係坑渠, 靈魂出來望住自己條屍先至識"死"係點。

佢話有壓力, 邊個冇壓力。失業? 攞綜援囉。可能已經攞緊! 諗到綜援養呢啲人渣, 真係希望大陸收返佢。

講返林海峰好過, 9月開show, 搵人陪我去睇。

"人無遠慮, 必有近憂!"

因為這是近日的寫照。

(閱讀全文)

稍後在收音機聽到米高積遜因心臟病猝逝, 都有少少驚詫 --- 少少(近年發生咁多事, 能令人震驚的實在已不多)!

50才, 不算老。盡管米高積遜有很多負面的新聞, 真真假假, 但他的歌、尤其是舞, 真的很好。懷念一下他的moonwalk, 兩條片, 睇住佢由黑人男孩變成一名白人 --- 如果如此改變成是一個人的心願, 沒有傷害任何人, 又何仿? 人, 有時候只能自私!

其中一個quiz係"第時愛人姓咩?", 自稱係"由行為睇出來", 有"99%準"咁話。

登登登----測驗結果係: 歐/李/郭。

咁結果, 差啲跌落地下。記憶中我未識過姓郭的人(郭晋安唔算!); 歐...好耐好耐好耐以前有; 至於李...我外婆姓李, 算唔算? 老實講外婆唔係太愛我, 聽講李家唯一男丁打日本仔時炸死咗, 所以就算想搵個表兄/弟高攀吓都冇! K都姓李, 佢係女生! 相信佢都愛我掛, 唔係佢仔女點會叫我"契媽", 唔係二年前夏天佢唔會收留我。

"你同佢地十分有緣, 快D結識佢地啦! 如果你/妳未遇到...就要等下啦~~好快就會遇到; 你個人脾氣麻麻, 而差也很為食, 遇到不開心時會大吃一餐; 寧可信其有, 不可信其無^^"

哈哈哈哈! 設計quiz的人想法都算周全, 是但都會有一樣中。同三姓異性 --- 唔算有緣; 脾氣麻麻 --- 我認; 為食 --- 唔係。寧信其有 --- 凡事向好處諗, 即係think positive啫!

其實唔駛做quiz, 我梗係知第時的愛人姓咩架 - 最愛我的, 捨"我"其誰!

青少年犯罪每一代都有, 如我自己, 有一個半夜潜回學校偷竊的小學同學, 另一個小學同學甚至犯了極嚴重的罪, 還有一個因離家出走被判入女童院的中學同學。當時我們的家長比現在的家長更忙於為口奔馳, 但師長會及時教導我們正確的價值觀, 讓我們從中學會對與錯, 建立責任感。

問題是, 現在有同樣事情發生的話, 師長所做的, 只能是和稀泥式的, 說是社會進步了, 要用"文明的方法"來對待:

--- 小偷是"家裡沒有電腦, 為了做功課, 所以回學校偷電腦啦"、"別人都有遊戲機, 他沒有所以要偷啦"、"家庭問題啦"、"新移民不適應環境啦"、"..."、 "...";

--- 吸毒是因為"別人把毒品給他/她"、"好可憐, 花那麼多錢在非必需品上"、"單親家庭長大啦""...";

==> 總之, 一切都是社會的錯!

小偷/吸毒者嘛, 學校社工會安排時間"照顧", 大家都要好好愛護小偷/吸毒者的心靈, 被人家知道是小偷/吸毒者己很慘, 要有同情心。沒有同情心的人, 要記大過!

現在的文明人很幸福, 不需要對自己的行為負責任, 連欠咭數都有別人想好開脫的理由: "銀行濫發"! 銀行會用槍指閣下的頭, 拿了一定要用它消費?

天知道, 這些文明的方法是否那麼有效? 今天, 我寧願相信"惡有惡報"這種天道, 總好過信那些"現代文明之道"。

現代的社會, 是進步了還是退步了? 但不管在什麼年代, 學生吸毒都不應只是一件"記小過"的事!  "現代文明之道"把黑與白模糊成灰色, 看著這些案例, 我不知道作為母親的K, 怎麼向心肝和寶貝解釋吸毒是一件不應做的、後果絕對嚴重的事!!! 如果心肝和寶貝問我: "契媽, 點嚴重啊?" 我不知應怎麼回答。

實話實說, 基本上我不反對任何人選擇吸毒或任何自殘的行為, 關我屁事! 又不會影響到我!  我才不會在意, 即使他們把地球毀滅我也不在乎, 大不了大家一起死掉。

然而那些壞坯子會打亂社會大環境, 會對我在意的人造成影響, 這才是我所痛恨的。我會擔心那幾個我所關心的孩子, 擔心他們的將來。

如同妖兄所說: "文明社會之所以變得文明，不是從溫容婉語中發展過來，而是從明確的價值所建立。" 一昧地用溫情, 單一地只有紅萝卜, 可以把孩子教導得有責任感嗎?