就嚟中秋節, 月餅買過4盒, 卻只係食過四分一隻半島奶黃月餅。甜品中, 只係對心太軟冇抵抗力, 其他包括月餅絕對係可以唔食就唔食。
諗起中秋節食品, 突然有少少懷念有一年家姐整的芋頭湯, 呢個應該係姐夫家的傳統食品。做咗多年師奶的家姐, 煮啲餸好掂。
近年屋企做節無論大小, 都係出街食多。自從老豆退休後, 10幾年來都係佢煮, 到依家"媽媽的餸"成為絕唱矣。就算阿媽出院, 已冇可能煮到。希望8月15可以同佢食餐飯, 呢啲飯真係食一次少一次啦。
今年中秋都未知點做節, 家姐一家人去旅行, 得老豆阿媽+阿哥一家+我一家(1人), 共7個人。如果阿媽冇得放假, 鐵定老豆唔會同我哋食。佢老人家好有性格架, 搞唔掂!
有時聽到"一家人齊齊整整食餐飯"呢句嘢, 都唔知應該點反應。
你哋做咗節食咗飯未?
