一落小巴, 就俾方向報的記者截住, 問的是日前一宗導至4人死亡的小巴意外。

因為間唔中會搭44A, 所以意見被納入今日的新聞(詳情)。

小巴裝黑盒, 聽過一輪啦, 尤其是年初個單嚴重意外時, 都熱議過一輪, 之後都係冇影, 香港就係咁架啦!

新聞裡記者只係引用部份我的意見:

「每次出事都大把建議，但過後往往不了了之」

其中乘客陳小姐直言：「其實要做（加裝黑盒）冇可能做唔到，但近年唔覺有任何跟進，所以唔會靠政府，惟有自求多福，坐小巴時自己警覺啲，避免坐車頭或車尾位置。」(來源: 東方日報)

裝黑盒有冇用? 我個人認為作用有限, 最大作用係出咗事後調查誰對誰錯。好似今次咁, 司機都死埋, 就算責任係佢, 咁又點? 雖然作用唔大, 人要犯事點都會犯, 但都係支持裝, 至少有阻嚇意味, 做多少少總冇壞。

雖然聽咗裝黑盒咁耐, 但講咗5年未成事都係從記者口中才得知, 可想而知香港地有幾多嘢係"議而不行", 是不能, 還是不為, 政府才知。對呢個政府, 我仲有期望, 除非發燒燒壞腦, 重新format過囉!

由於呢兩日不停咁搭小巴, 從其他司機口中都聽到一啲評論關於死咗的司機, 但一來唔知真假, 二來死者已矣, 無謂講。當然我都冇同記者提啦!

睇完單新聞有冇乜發現? --- 我唔肯俾記者影相: 俾人點咗相, 重點係江湖行走? 哈哈!